أحمد مرتضى يكشف مفاجأة مدوية بشأن انسحاب الزمالك أمام الأهلي

كشف أحمد مرتضى منصور، عضو مجلس إدارة نادي الزمالك السابق، عن كواليس مثيرة من فترة تولي والده المستشار مرتضى منصور رئاسة النادي، مشيرًا إلى بعض المواقف الحساسة التي شهدها خلال تلك المرحلة.

وقال أحمد مرتضى في تصريحات إذاعية:”المستشار تركي آل الشيخ قال لي وقتها إنه عاوز علي جبر وأحمد الشناوي يروحوا الأهلي مباشرة من الزمالك، وفوجئت بالطلب ومكنتش عارف أرده، لكنه قال إن في شرط جزائي في عقد الشناوي بـ600 ألف دولار، وإنه هيخليه مليون و200 علشان خاطر مرتضى منصور. لما كلمت والدي وسألته، قال لي: (أحمد الشناوي موافق؟) قلت له آه، فقال لي: خلاص خليه يكتب رغبة الانتقال للأهلي وأنا هسيبه علشان تركي آل الشيخ”.

وتابع:”في تجديد عقد طارق حامد مع الزمالك، كان العقد بـ20 مليون، الزمالك دفع 10 ملايين، والمستشار تركي دفع الباقي، وكان فيه زيادة كل سنة من عنده.”.

وشدد” طارق وقع الساعة 2 بعد منتصف الليل، وقال لي عايز الفلوس فورًا، فكلمت مرتضى منصور، فقال لي: خليه يروح الساحل عند تركي آل الشيخ وياخد جزء من الفلوس دلوقتي، والباقي بعدين”.

وعن واقعة الانسحاب الشهيرة من مباراة الأهلي، كشف أحمد مرتضى: “فكرة انسحاب الزمالك من مباراة الأهلي اللي حصل فيها أزمة الأتوبيس كانت من اقتراح مدحت العدل وأحمد عفيفي، والهدف كان إننا كنا لسه راجعين من بطولتين، وكنا هنلعب الأهلي اللي أكيد كان عايز يكسبنا علشان يفسد علينا فرحة الفوز، وكمان كان عندنا مواجهة مهمة ضد الترجي في دوري أبطال أفريقيا، وكنا عايزين نركز فيها”.

واختتم تصريحاته قائلًا: “لما رُحت الفيفا علشان أسوي قضايا اللاعبين والمدربين، أحد المسؤولين قال لي نصًا: نادي الزمالك سيئ السمعة في التزاماته المالية، بسبب كثرة القضايا المرفوعة ضده”.