شكؤا متابعينا الكرام لمتابعتكم خبر عن شريف إكرامي: الاحتراف مش كلمة تتقال حسب المصلحة.. والأحكام بقت بالمزاج
علق شريف إكرامي حارس مرمى الفريق الأول لكرة القدم بنادي بيراميدز، على أزمة انتقالات اللاعبين بين الأندية، تزامنًا مع اقتراب أحمد سيد زيزو نجم الزمالك من الانتقال إلى الأهلي بنهاية الموسم الجاري.
شريف إكرامي يتحدث عن أزمة انتقالات اللاعبين بين الأندية
وكتب إكرامي عبر حسابه الشخصي على موقع إكس: نفس القرار ممكن يتقال عليه خيانة من لاعب واحتراف من لاعب تاني، مش علشان التصرف مختلف، لكن علشان القميص اختلف.
وأضاف: الأحكام بقت حسب المزاج والمصلحة مش المبدأ، تسمع نفس الأشخاص بيقولوا عكس أحكامهم القديمة والتبرير بقى فن بيتفصّل على مقاس الانتماء مش على مقاس الحقيقة.
وأوضح حارس مرمى بيراميدز: الإدارات بتوجه، والإعلام بيغذي العاطفة، والجمهور في النُص ضحية الجميع، الاحتراف مش كلمة تتقال حسب المصلحة ولا تتشال وقت الغضب، ده الواقع وأساس اللعبة.
وأكمل: زي ما النادي حر، اللاعب كمان حر، قراره صح أو غلط مش مهم لأن مش ده الموضوع، الأهم إن الاختلاف في القرار لا عمره كان خيانة ولا قلة أصل ولا ليه علاقة بضعف أو قوة الانتماء.
واختتم شريف إكرامي: الموضوع مش قرارات اللاعبين أو الأندية، اللي محتاج يتغير هو النظرة، طريقة التفكير، والأحكام على القرارات نفسها.
يذكر أن نادي الزمالك اقترب من حسم صفقة انتقال محمد شريف مهاجم الخليج السعودي والأهلي السابق إلى صفوفه بنهاية الموسم الجاري، حيث علم القاهرة 24 أن النادي أتم اتفاقه على ضم اللاعب لمدة موسمين في صفقة انتقال حر.
< a href="https://news.twaslnews.com/%D8%A7%D9%84%D9%82%D8%A7%D9%87%D8%B1%D8%A9-24/127886/">
