يثير الإعلامي عمرو أديب دائما حالة من الجدل والبلبلة بسبب تعليقاته على الأحداث الساخنة التي تصدرت محركات البحث المختلفة والترند فيتم الهجوم عليه بشكل واسع على مواقع السوشيال ميديا.
كما انتقد الإعلامي عمرو أديب، عددا من المواطنين بشأن الخوض في حياة الفنان هشام سليم بعد وفاته، مضيفًا: «إحنا مش بنسيب حد يموت في سلام».
هشام سليم مات وسط أهله
وقال الإعلامي عمرو أديب عبر برنامج الحكاية: «بعض الناس قالت عنده مشاكل كتير مع عائلته وعنده كذا وكذا.. أنت مال أهلك.. هشام سليم مات وسط أهله ومشاكله مع أخواته اتحلت.. سيبوا الناس تموت في سلام».
وأضاف الإعلامي عمرو أديب: «بقالنا سنتين مش بنسيب الناس اللي ماتوا في حالهم.. ليه بقيتوا متوحشين كده.. ده أنا بقيت خايف أموت علشان هيتعملي حفلة غير طبيعية».
أنا خايف أموت
وأكمل أديب: «أنا والله خايف أموت أنا مش عايز أموت عشان اللي بتعملوه.. ليه بنعمل في بعض كده، أنا بقيت خايف أموت، هتعملوا فيا إيه أنا عارف هيتعملي حفلة غير طبيعية، مش عايز أموت مش خوفًا من الموت».
